POR LUIS MIGUEL MONTES ARBOLEYA, CRONISTA OFICIAL DE BIMENES (ASTURIAS).

L’edificiu de Bimenes diba a convertise na exa neurálxica del ferrocarril nel conceyu

L’edificiu conocíu como la estación de Bimenes data, xunto coles otres dos viviendes entá habitaes del pueblu, de 1904. Pensábase que se convirtiere na exa neurálxica del tren nel conceyu anque’l suañu pronto se torgó, como esplica Luis Miguel Montes, cronista oficial de Bimenes.

Un edificiu que foi remocicáu con fondos mineros pa da-y una segunda vida, pa nada. L’apuesta ferroviaria, que morrió enantes de nacer, creárase col envís de servir de salida al carbón dende la Cuenca del Nalón hasta’l cai d’El Musel.

Anguaño sigue prácticamente intacta parte de la so infraestructura dientro del conceyu, qu’intentó aprovechase como reclamu turísticu.

Un edificiu y una infraestrutura que pa dalgunos suponen el recordatoriu d’una gran oportunidá perdida pal desendolcu económicu del conceyu yerbatu.

FUENTE Y VIDEO : https://www.rtpa.es/noticias-asturias-ast:El-Fierrocarril,-la-estacion-a-la-que-nunca-nun-llego%27l-tren_111700558680.html