EL VALDECARZANA FINA LES XORNAES SOBRO LA MUYER Y EL CAMÍN DE SANTIAGO

NOTICIA QUE CITA A MARÍA JOSEFA SANZ FUENTES, CRONISTA OFICIAL DE AVILÉS (ASTURIAS)

El Palaciu de Valdecarzana acueye esti día 16 la cabera xornada sobro’l papel de la muyer nel Camín de Santiago, tantu como pelegrines y relixoses, con un oldee total ente la realidá actual y la de sieglos atrás, como la importancia que tuvieron col so trabayu y dedicación n’albergues y hospitales a los que llegaben los pelegrinos non solo cansaos y afamiaos, sinón tamién enfermos.

Les xornaes lleven por títulu ‘La muyer nel Camín de Santiago, pelegrines nos caminos del norte’, una iniciativa de la historiadora y arqueóloga Paula Bartolomé Oveyeru, que forma parte d’un proyectu que presentó y que foi subvencionáu pa integrase nel programa del Ministeriu de Cultura Consejo Xacobéu 2021-22 y que tamién cunta col sofitu de la Conseyería de Cultura. El conceyu d’Avilés collabora cola xestión del espaciu (Palaciu de Valdecarzana) y sofitu al espardimientu al traviés de la conceyalía d’Igualdá.

Paula Bartolomé Oveyeru ye llicenciada n’Hestoria pola Universidá d’Uviéu y n’Arqueoloxía pola Universitat Rovira i Virgili y lleva más d’una década impartiendo cursos con perspectiva de xéneru. Les xornaes traten de poner sobro la mesa aspeutos rellacionaos cola muyer nun fenómenu económicu, cultural, sociolóxicu y  relixosu que se caltuvo a lo llargo de los sieglos implicando a millones de persones de too el mundu.

Les xornaes entamaron el martes 14 col actu d’inauguración a les 18:00 hores nel que intervenieron el director xeneral de Cultura y Patrimoniu d’Asturies, Pablo León Gasalla, y la conceyala de Cultura y Promoción de Ciudá, Yolanda Alonso. Darréu tuvo llugar la conferencia Santes, pelegrines  y hospitaleres’ al cargu de la catedrática de la Universidá d’Uviéu y cronista oficial de Avilès, Josefa Sanz.

El xueves 15 tamién a les 18 hores foi la vez de la mesa redonda ‘Pelegrines nos Caminos del Norte del Sieglu XXI’, na qu’intervinieron la conceyala de Turismu y presidenta de la Mancomunidá d’Avilés  y Contorna, Raquel Ruiz; la ceadora de Senderos de Bienestar, María Ramos; y María Teresa Gonzalo Esteban, de l’Asociación Ástur-Galaica de Santiago Apóstol d’Avilés.

FUENTE: http://asturnews.com/el-valdecarzana-fina-les-xornaes-sobro-la-muyer-y-el-camin-de-santiago/

 

Sin Comentarios.

Responder

Mensaje